آج نہ جانے کیوں مجھے
کچھ چہرے مدھم مدھم سے
کچھ آنکھیں گیلی گیلی سی
یاد آیئں
کچھ دکھ میٹھے میٹھے سے
کچھ خوشیاں پرنم پرنم سی
یاد آیئں
#urdu #poem #poetry #love #nostalgia #memories #disappointment #loss
وہ چہرے سورج روشن تھے
وہ آنکھیں جھیلیں گہری تھیں
وہ دکھ گرتی چلمن تھے
وہ خوشیاں چراغ سحری تھیں
تنہا تنہا دیپ جلیں
ان آنکھوں کے ساگر میں
کچھ سائے ہلکے ہلکے سے
کچھ یادیں بہکی بہکی سی
یاد آیئں
کچھ آنسو گدلے گدلے سے
کچھ باتیں کڑوی کڑوی سی
یاد آیئں
وہ سائے شاموں کے باسی تھے
وہ یادیں تتلی مانند تھیں
وہ آنسو میرے ساتھی تھے
وہ باتیں گجرے بنتی تھیں
ان چہروں کو ان آنکھوں کو
ان یادوں کو ان باتوں کو
ان سایوں کو ان سانسوں کو
ان اشکوں کو ان خوشیوں کو
امید پر قائم خوابوں سے
میں کتنا سینت سینت رکھوں
ان اجڑے پھیکے پھولوں کو
آنکھوں کے کڑوے پانی سے
میں کتنا سینچ سینچ سکوں
شکوہ فقط اس بات کا ہے
اس دل کی مردہ بستی میں
نوروز چراغاں ہو نہ سکا
اس من کے ویران کھنڈر میں
جشن بہاراں ہو نہ سکا
Like this:
Like Loading...
No Comments
I will right away snatch your rss feed as I can’t in finding your e-mail subscription link or e-newsletter service.
Do you have any? Kindly let me recognize in order that I may
subscribe. Thanks.
Dear Jason, I am flattered by your interest. I have rechecked the settings and the email link is present. Can you please try to log on the blog from a computer or laptop instead of a smart phone. I am sure, that will solve the problem. Again, thanks for the interest