Short Stories Urdu

نوراں کنجری

No Comments

دسمبر کے اوائل کی بات ہے جب محکمہ اوقاف نے زبردستی میری تعیناتی شیخو پورےکے امیر محلے کی

Heera Mandi, LahorePhotographer: Parthiv Shah
Heera Mandi, Lahore Photographer: Parthiv Shah

جامعہ مسجد سے ہیرا منڈی لاہور کی ایک پرانی مسجد میں کر دی. وجہ یہ تھی کے  میں نے قریبی علاقے کے ایک کونسلر کی مسجد کے لاوڈ سپیکر پے تعریف کرنے سے انکار کر دیا تھا. شومئی قسمت کے وہ کونسلر محکمہ اوقاف کے ایک بڑے افسرکا بھتیجا تھا. نتیجتاً میں لاہور شہر کے بدنام ترین علاقے میں تعینات ہو چکا تھا. بیشک کہنے کو میں مسجد کا امام جا رہا تھا مگر علاقے کا بدنام ہونا اپنی جگہ. جو سنتا تھا ہنستا تھا یا پھر اظھار افسوس کرتا تھا

محکمے کے ایک کلرک نے تو حد ہی کر دی. تنخواہ کا ایک معاملہ حل کرانے اس کے پاس گیا تو میری پوسٹنگ کا سن کے ایک آنکھ دبا کر بولا

.قبلہ مولوی صاحب، آپ کی تو گویا پانچوں انگلیاں گھی میں اور سر کڑاہی میں.’ میں تو گویا زمین میں چھ فٹ نیچے گڑ گیا’ 

پھر الله بھلا کرے میری بیوی کا جس نے مجھے تسلی دی اور سمجھایا کے

 امامت ہی توہے، کسی بھی مسجد میں سہی. اور میرا کیا ہے؟ میں تو ویسے بھی گھر سے نکلنا پسند نہیں کرتی. پردے کا کوئی مسلہ نہیں ہوگا. اور پھر ہمارے کونسے کوئی بچے ہیں کے ان کے بگڑنے کا ڈر ہو

بیوی کی بات سن کر تھوڑا دل کو اطمینان ھوا اور ہم نے سامان باندھنا شروع کیا. بچوں کا ذکر چھڑ ہی گیا تو یہ بتاتا چلوں کے شادی کے بائیس سال گزرنے کے باوجود الله نے ہمیں اولاد جیسی نعمت سے محروم ہی رکھنا مناسب سمجھا تھا. خیر اب تو شکوہ شکایت بھی چھوڑ چکے تھے دونوں میاں بیوی. جب کسی کا بچہ دیکھ کر دل دکھتا تھا تو میں یاد الہی میں دل لگا لیتا اور وہ بھلی مانس کسی کونے کھدرے میں منہ دے کر کچھ آنسو بہا لیتی

سامان باندھ کر ہم دونوں میاں بیوی نے الله کا نام لیا اور لاہورجانے کے لئے ایک پرائیویٹ بس میں سوار ہوگئے. بادامی باغ اڈے پے اترے اور ہیرا منڈی جانے کے لئے سواری کی تلاش شروع کی. ایک تانگے والے نے مجھے پتا بتانے پر اوپر سے نیچے تلک دیکھا اور پھر برقع میں ملبوس عورت ساتھ دیکھ کر چالیس روپے کے عیوض لے جانے کی حامی بھری. تانگہ چلا تو کوچبان نے میری ناقص معلومات میں اضافہ یہ کیہ کر کیا کے

 ‘میاں جی، جہاں آپ کو جانا ہے، اسے ہیرا منڈی نہیں، ٹبی گلی کہتے ہیں

پندرہ بیس منٹ میں ہم پوہنچ گئے. دوپہر کا وقت تھا. شاید بازار کھلنے کا وقت نہیں تھا. دیکھنے میں تو عام سا محلہ تھا. وہ ہی ٹوٹی پھوٹی گلیاں، میلے کرتوں کےغلیظ دامن سے ناک پونچھتے ننگ دھڑنگ بچے، نالیوں میں کالا پانی اور کوڑے کے ڈھیروں پے مڈلاتی بےحساب مکھیاں. سبزیوں پھلوں کے ٹھیلے والے اور ان سے بحث کرتی  کھڑکیوں سے آدھی باہرلٹکتی عورتیں. فرق تھا تو صرف اتنا کے پان سگریٹ اور پھول والوں کی دکانیں کچھ زیادہ تھیں. دوکانیں تو بند تھیں مگر ان کے نۓ پرانے بورڈ اصل کاروبار کی خبر دے رہے تھے

مسجد کے سامنے تانگہ کیا رکا، مانو محلے والوں کی عید ہوگیی. پتہ نہیں کن کن کونے کھدروں سے بچے اور عورتیں نکل کر جمع ہونے لگیں. ملی جلی آوازوں نے آسمان سر پے اٹھا لیا.

‘ابے نیا مولوی ہے’

‘بیوی بھی ساتھ ہے. پچھلے والے سے تو بہتر ہی ہوگا’

‘کیا پتہ لگتا ہے بہن، مرد کا کیا اعتبار؟’

‘ہاں ہاں سہی کہتی ہے تو. داڑھی والا مرد تو اور بھی خطرناک’

عجیب طوفان بدتمیز تھا. مکالموں اور فقروں سے یہ معلوم پڑتا تھا کے جیسے طوائفوں کے محلے میں مولوی نہیں، شرفاء کے محلے میں کوئی طوائف وارد ہوئی ہو. اس سے پہلے کے میرے ضبط کا پیمانہ لبریز ہوتا، خدا خوش رکھے غلام شببر کو جو ‘مولوی صاحب’ ‘مولوی صاحب’ کرتا دوڑا آیا اور ہجوم کو وہاں سے بھگا دیا. پتہ چلا کے مسجد کا خادم ہے اور عرصہ پچیس سال سے اپنے فرائض منصبی نہایت محنت اور دیانت داری سے ادا کر رہا تھا. بھائی طبیعت خوش ہوگیی اس سے مل کے. دبلا پتلا پکّی عمر کا مرد. لمبی سفید داڑھی. صاف ستھرا سفید پاجامہ کرتا، کندھے پے چار خانے والا سرخ و سفید انگوچھا. پیشانی پے محراب کا کالا نشان، سر پے سفید ٹوپی اور نیچی نگاہیں. سادہ اور نیک آدمی اور منہ پے شکایت کا ایک لفظ نہیں. بوڑھا آدمی تھا مگر کمال کا حوصلہ و ہمّت رکھتا تھا     

 سامان سمبھالتے اور گھر کو ٹھیک کرتے ہفتہ دس دن لگ گئے. گھر کیا تھا. دو کمروں کا کوارٹر تھا مسجد سے متصل. ایک چھوٹا سا باورچی خانہ، ایک اس سے بھی چھوٹا غسل خانہ اور بیت الخلا اور ایک ننھا منا سا صحن. بہرحال ہم میاں بیوی کو بڑا گھر کس لئے چاہیے تھا. بہت تھا ہمارے لئے. بس ارد گرد کی عمارتیں اونچی ہونے کی وجہ سے تاریکی بہت تھی. دن بارہ بجے بھی شام کا سا دھندلکا چھایا رہتا تھا. گھر ٹھیک کرنے میں غلام شببر نے بہت ہاتھ بٹایا. صفائی کرنے سے دیواریں چونا کرنے تک. تھوڑا کریدنے پے پتا چلا کے یہاں آنے والے ہر امام مسجد کے ساتھ غلام شبّیرگھر کا کام بھی کرتا تھا. بس تنخواہ کے نام پے غریب دو وقت کا کھانا مانگتا تھا اور رات کو مسجد ہی میں سوتا تھا. یوں اس کو رہنے کی جگہ مل جاتی تھی اور مسجد کی حفاظت بھی ہوجاتی تھی

ایک بات جب سے میں آیا تھا، دماغ میں کھٹک رہی تھی. سو ایک دن غلام شببر سے پوچھ ہی لیا

‘میاں یہ بتاؤ کے پچھلے امام مسجد کے ساتھ کیا ماجرا گزرا؟’

وہ تھوڑا ہچکچایا اور پھر ایک طرف لے گیا کے بیگم کے کان میں آواز نہ پڑے

میاں جی اب کیا بتاؤں آپ کو؟ جوان آدمی تھے اور غیر شادی شدہ بھی. محلے میں بھلا حسن کی کیا کمی ہے. بس دل آ گیا ایک لڑکی پے. لڑکی کے دلال بھلا کہاں جانے دیتے تھے سونے کی چڑیا کو. پہلے تو انہوں نے مولانا کو سمجھنے بجھانے کی کوشش کی. پھر ڈرایا دھمکایا. لیکن مولانا نہیں مانے. ایک رات لڑکی کو بھگا لے جانے کی کوشش کی. بادامی باغ اڈے پر ہی پکڑے گئے. ظالموں نے اتنا مارا پیٹا کے مولانا جان سے گئے’. غلام شبّیر نے نہایت افسوس کے ساتھ ساری کہانی سنائی

پولیس وغیرہ؟ قاتل پکڑے نہیں گئے؟’ میں نے گھبرا کر پوچھا’

غلام شبّیر ہنسنے لگا. ‘کمال کرتے ہیں آپ بھی میاں جی. پولیس بھلا ان لوگوں کے چکروں میں کہاں پڑتی ہے. بس اپنا بھتہ وصول کیا اور غائب. اور ویسے بھی کوتوال صاحب خود اس لڑکی کے عاشقوں میں شامل تھے

لاحول ولا قوّت الا باللہ…..کہاں اس جہنم میں پھنس گئے.’ میں یہ سب سن کر سخت پریشان ہوا’

آپ کیوں فکر کرتے ہیں میاں جی؟ بس چپ کر کے نماز پڑھیں اور پڑھاہیں. دن کے وقت کچھ بچے آ جایا کریں گے. ان کو قران پڑھا دیں. باقی بس اپنے کام سے کام رکھیں گے تو کوئی تنگ نہیں کرتا یہاں. بلکہ مسجد کا امام اچھا ہو تو گناہوں کی اس بستی میں لوگ صرف عزت کرتے ہیں.’ غلام شبّیر نے میری معلومات میں اضافہ کرتے ہوے بتایا تو میری جان میں جان آی

انہی شروع کے ایام میں ایک واقعیہ ہوا. پہلے دن ہی دوپہر کے کھانے کا وقت ہوا تو دروازے پے کسی نے دستک دی. غلام شبّیر نے جا کے دروازہ کھولا اور پھر ایک کھانے کی ڈھکی طشتری لے کے اندر آ گیا. میری سوالیہ نگاہوں کے جواب میں کہنے لگا

‘نوراں نے کھانا بھجوایا ہے. پڑوس میں رہتی ہے’

میں کچھ نا بولا اور نا ہی مجھے کوئی شک گزرا. سوچا ہوگی کوئی الله کی بندی. اور پھر امام مسجد کے گھر کا چولھا تو ویسے بھی کم ہی جلتا ہے. بہرحال جب اگلے دو دن بھی یہ ہی معمول رہا تومیں نے سوچا کے یہ کون ہے جو بغیر کوئی احسان جتاے احسان کیے جا رہی ہے.عشاء کی نماز کے بعد مسجد میں ہی تھا جب غلام شبّیر کو آواز دے کے بلایا اور پوچھا

‘میاں غلام شبّیر یہ نوراں کہاں رہتی ہے؟ میں چاہتا ہوں میری گھر والی جا کر اس کا شکریہ ادا کرآے’

غلام شبّیر کے تو اوسان خطا ہو گئے یہ سن کر. ‘ میاں جی ، بی بی نہیں جا سکتی جی وہاں

میں نے حیرانی سے مزید استفسار کیا تو گویا غلام شبّیر نے پہاڑ ہی توڑ دیا میرے سر پے

‘ میاں جی ، اس کا پورا نام تو پتا نہیں کیا ہے مگر سب اس کو نوراں کنجری کے نام سے جانتے ہیں. پیشہ کرتی ہے جی’

‘پیشہ کرتی ہے؟ یعنی طوائف ہے؟ اور تم ہمیں اس کے ہاتھ کا کھلاتے رہے ہو؟ استغفراللہ! استغفراللہ’

غلام شبّیر کچھ شرمسار ہوا میرا غصّہ دیکھ کر. تھوڑی دیر بعد ہمّت کر کے بولا:

میاں جی یہاں تو سب ایسے ہی لوگ رہتے ہیں. ان کے ہاتھ کا نہیں کھاییں گے تو مستقل چولھا جلانا پڑے گا جو آپ کی تنخواہ میں ممکن نہیں

یہ سن کر میرا غصّہ اور تیز ہوگیا. ‘ہم شریف لوگ ہیں غلام شبّیر، بھوکے مر جایئں گے مگر طوائف کے گھر کا نہیں کھاییں گے

میرے تیور دیکھ کر غلام شبّیر کچھ نہ بولا مگر اس دن کے بعد سےنوراں کنجری کے گھر سے کھانا کبھی نا آیا

جس مسجد کا میں امام تھا، عجیب بات یہ تھی کے اس کا کوئی نام نہیں تھا. بس ٹبی مسجد کے نام سے مشهور تھی. ایک دن میں نے غلام شبّیر سے پوچھا کے “میاں نام کیا ہے اس مسجد کا؟” وہ ہنس کر بولا،

“میاں جی الله کے گھر کا کیا نام رکھنا؟”

پھر بھی؟ کوئی تو نام ہوگا. سب مسجدوں کا ہوتا ہے.” میں کچھ کھسیانا ہو کے بولا’

بس میاں جی بہت نام رکھے. جس فرقے کا مولوی آتاہے، پچھلا نام تبدیل کر کے نیا رکھ دیتا ہے.آپ ہی کوئی اچھا سا رکھ دیں.” وہ سر کھجاتا ہوا بولا.

میں سوچ میں پڑ گیا. گناہوں کی اس بستی میں اس واحد مسجد کا کیا نام رکھا جائے؟ “کیا نام رکھا جائے مسجد کا؟ ہاں موتی مسجد ٹھیک رہے گا. گناہوں کے کیچڑ میں چمکتا پاک صاف موتی.” دل ہی دل میں میں نے مسجد کے نام کا فیصلہ کیا اور اپنی  پسند کو داد دیتا اندر کی جانب بڑھ گیا جہاں بیوی کھانا لگاے میری منتظر تھی        

اب بات ہوجاے قرآن پڑھنے والے بچوں کی. تعداد میں گیارہ تھے اور سب کے سب لڑکے. ملی جلی عمروں کے پانچ سے گیارہ بارہ سال کی عمر کے. تھوڑے شرارتی ضرور تھے مگر اچھے بچے تھے.نہا دھو کے اور صاف ستھرے کپڑے پہن کے آتے تھے. دو گھنٹے سپارہ پڑھتے تھے اور پھر باہر گلی میں کھیلنے نکل جاتے. کون تھے کس کی اولاد تھے؟ نہ میں نے کبھی پوچھا نا کسی نے بتایا. لیکن پھر ایک دن غضب ہوگیا. قرآن پڑھنے والے بچوں میں ایک بچہ نبیل نام کا تھا. یوں تو اس میں کوئی خاص بات نا تھی. لیکن بس تھوڑا زیادہ شرارتی تھا. تلاوت میں دل نہیں لگتا تھا. بس آگے پیچھے ہلتا رہتا اور کھیلنے کے انتظار میں لگا رہتا. میں بھی درگزر سے کام لیتا کے چلو بچہ ہے.لیکن ایک دن ضبط کا دامن میرے ہاتھ سے چھوٹ گیا. اس دن صبح ہی سے میرے سر میں ایک عجیب درد تھا. غلام شبّیر سے مالش کرائی، پیناڈول کی دو گولیاں بھی کھایئں مگر درد زور آور بیل کی مانند سر میں چنگھاڑتا رہا. درد کے باوجود اور غلام شبّیر کے بہت منع کرنے پر بھی میں نے بچوں کا ناغہ نہیں کیا. نبیل بھی اس دن معمول سے کچھ زیادہ ہی شرارتیں کر رہا تھا. کبھی ایک کو چھیڑ کبھی دوسرے کو. جب اس کی حرکتیں حد سے بڑھ گیئں تو یکایک میرے دماغ پر غصّے کا بھوت سوار ہوگیا اور میں نے پاس رکھی لکڑی کی رحل اٹھا کر نبیل کے دے ماری. میں نے نشانہ تو کمر کا لیا تھا مگر خدا کا کرنا ایسا ہوا کے رحل بچے کی پیشانی پر جا لگی

خون بہتا دیکھ کر مجھے میرے سر کا درد بھول گیا اور میں نے گھبرا کر غلام شببر کو آواز دی. وہ غریب بھاگتا ہوا آیا اور بچے کو اٹھا کے پاس والے ڈاکٹر کے کلینک پر لے گیا. خدا کا شکر ہوا کے چوٹ گہری نہیں لگی تھی. مرہم پٹی سے کام چل گیا اور ٹانکے نا لگے. خیر باقی بچوں کو فارغ کر کے مسجد کے دروازے پے پوہنچا ہی تھا کے چادر میں لپٹی ایک عورت نے مجھے آواز دے کر روک لیا. میں نے دیکھا کے وہ عورت دہلیزپۓ کھڑی مسجد کے دروازے سے لپٹی رو رہی تھی  

چالیس پینتالیس کا سن ہوگا. معمولی شکل و صورت. سانولا رنگ اور چہرے پے پرانی چیچک کے گہرے داغ. آنسوؤں میں ڈوبی آنکھیں اور گالوں پر بہتا کالا سرما. زیور کے نام پے کانوں میں لٹکتی سونے کی ہلکی سی بالیاں اور ناک میں چمکتا سستا سرخ نگ کا لونگ. چادر بھی سستی مگر صاف ستھری اور پاؤں میں ہوائی چپپل 

.کیا بات ہے بی بی؟ کون ہو تم؟” میں نے حیرانگی سے اس سے پوچھا’

.میں نوراں ہوں مولوی صاحب.” اس نے چادر کے پلو سے ناک پونچھتے ہوئے کہا’ 

نوراں؟ نوراں کنجری؟” میرے تو گویا پاؤں تلے زمین ہی نکل گیئ. میں نے ادھر ادھر غلام شبّیر کی تلاش میں نظریں دوڑائیں مگر وہ تو نبیل کی مرہم پٹی کرا کے اور اس کو اس کے گھر چھوڑنے کے بہانے نجانے کہاں غایب تھا

جی. نوراں کنجری!” اس نے نظریں جھکاے اپنے نام کا اقرار کیا. مجھے کچھ دیر کے لئے اپنے منہ سے نکلنے والی اس کے گالی جیسی عرفیت پے شرمدگی ہوئی مگر پھر خیال آیا کے وہ طوائف تھی اور اپنی بری شہرت کی زمہ دار. شرمندگی اس کو ہونی چاہیے تھی، مجھے نہیں. پھر  اچانک مجھے احساس ہوا کے میری موتی جیسی مسجد میں اس طوائف کا نا پاک وجود کسی غلاظت سے کم نہیں تھا

باہر نکل کے کھڑی ہو. مسجد کو گندا نا کر بی بی”، میں نے نفرت سے باہر گلی کی جانب اشارہ کیا.

اس نے  کچھ اس حیرانگی سے آنکھ اٹھا کے میری طرف دیکھا کے جیسے اسے مجھ سے اس رویے کی امید نا ہو. ڈبڈبائی آنکھوں میں ایک لمحے کے لئے کسی انکہی فریاد کی لو بھڑکی. لیکن پھر کچھ سوچ کر اس نے آنسوؤں کے پانی میں احتجاج کے ارادے کو غرق کیا اور بغیر کوئی اور بات کئے چلی گی. میں نے بھی نا روکا کے پتا نہیں کس ارادے سے آیئ تھی. اتنی دیر میں غلام شبّیر بھی پوھنچ گیا

.کون تھی میاں جی؟ کیا چاہتی تھی؟” غالباً اس نے عورت کو تو دیکھا تھا مگر دور سے شکل نہیں پہچان پایا’

نوراں کنجری تھی. پتا نہیں کیوں آی تھی؟ مگر میں نے بھی وہ ڈانٹ پلائی کے آیندہ اس پاک جگہ کا رخ نہیں کرے گی.” میں نے داد طلب نظروں سے غلام شبّیر کی طرف دیکھا مگر اس کے چہرے پر ستائش کی جگہ افسوس نے ڈیرے ڈال رکھے تھے

وہ بیچاری دکھوں کی ماری اپنے بچے کا گلہ کرنے آی تھی میاں جی. نبیل کی ماں ہے . بچے کی چوٹ برداشت نہیں کر سکی. اور آپ نے  اس غریب کو ڈانٹ دیا.” غلام شبّیر نے نوراں کی وکالت کرتے ہوئے کہا

تو نبیل نوراں کا بیٹا ہے.ایسی حرکتیں کرے گا تو سزا تو ملے گی.  جیسی ماں ویسا بیٹا”. میں نے اپنی شرمندگی کو بیہودگی سے چھپانے کی کوشش کی. ایک لمحے کو خیال بھی آیا کے بچہ تو معصوم ہے اور پھر میں نے زیادتی بھی کی تھی. مگر پھر اپنے استاد ہونےکا خیال آیا تو سوچا کے بچے کی بھلائی کے لئے ہی تو مارا ہے. کیا ہوا. اور پھر ایک طوائف کو کیا حق حاصل کے مسجد کے امام سے شکایت کر سکے

.کتنے بچے ہیں نوراں کے؟” میں نے بات کا رخ بدلنے کی کوشش کی’

مسجد میں پڑھنے والے سب بچے نوراں کے ہیں میاں جی. اس کے علاوہ ایک گود کا بچہ بھی ہے. بس اس محلے میں صرف نوراں اپنے بچوں کو مسجد بھیجتی ہے. باقی سب لوگوں کے بچے تو آوارہ پھرتے ہیں.” غلام شبّیر کی آواز میں پھر نوراں کی وکالت گونج رہی تھی. میں نے بھنا کر جواب دینے کا ارادہ کیا ہی تھا  کے کوتوال صاحب کی گاڑی سامنے آ کر رکی. خود تو پتا نہیں کیسا آدمی تھا مگر بیوی بہت نیک تھی. ہر دوسرے تیسرے روز ختم کے نام پر کچھ نہ کچھ میٹھا بھجوا دیتی تھی. اس دن بھی کوتوال کا اردلی جلیبیاں دینے آیا تھا. گرما گرم جلیبیوں کی اشتہا انگیز مہک نے میرا سارا غصہ ٹھنڈا کر دیا اور نوراں کنجری کی بات آیی گیی ہوگیی    

یہ نبیل کو مار پڑنے کے کچھ دنوں بعد کا ذکر ہے. عشاء پڑھا کے میں غلام شبّیر سے ایک شرعیی معاملے پر بحث میں الجھ گیا تو گھر جاتے کافی دیر ہوگیی. مسجد سے باہر نکلے تو بازار کی رونق شروع تھی. بالکونیوں پر جھلملاتے پردے لہرا رہے تھے اور کوٹھوں سے ہارمونیم کے سر اور طبلوں کی تھاپ کی آواز ہر سو گونج رہی تھی. پان سگریٹ اور پھولوں کی دکانوں پر بھی دھیرے دھیرے رش بڑھ رہا تھا. اچانک میری نظر نوراں کے گھر کے دروازے پرجا پڑی. وہ باہر ہی کھڑی تھی اور ہر آتے جاتے مرد سے ٹھٹھے مار مار کر گپپیں لگا رہی تھی. آج تو اس کا روپ ہی دوسرا تھا. گلابی رنگ کا چست سوٹ، پاؤں میں سرخ گرگابی، ننگے سر پے اونچا جوڑا، جوڑے میں پروۓ موتیے کے پھول، میک اپ سے لدا چہرہ، گہری شوخ لپ سٹک، آنکھوں میں مسکارا اور مسکارے کی اوٹ سے جھانکتی ننگی دعوت

لاحول ولا قوت اللہ باللہ” میں نے طنزیہ نگاہوں سے غلام شبّیر کی جانب دیکھا. آخر وہ نوراں کا وکیل جو تھا’

چھوڑئیے میاں جی. عورت غریب ہے اور دنیا بڑی ظالم.” اس نے گویا بات کو ٹالنے کی کوشش کی. مگر میں اتنی آسانی سے جان چھوڑنے والا نہیں تھا

یہ بتاؤ میاں، جب اس کے گاہک آتے ہیں تو کیا بچوں کے سامنے ہی…………………….؟” میں نے معنی خیز انداز میں اپنا سوال ادھورا ہی چھوڑ دیا

میاں جی، ایک تو اس کے بچے صبح اسکول جاتے ہیں اور اس لئے رات کو جلدی سو جاتے ہیں. دوسرا، مہمانوں کے لئے باہر صحن میں کمرہ الگ رکھا ہے.” غلام شبّیر نے ناگوار سے لہجے میں جواب دیا

استغفراللہ! استغفراللہ!”. میں نے گفتگو کا سلسلہ وہیں ختم کرنا مناسب سمجھا کیوں کے مجھے احساس ہو چکا تھا کے غلام شبّیر کے لہجے سے جھانکتی ناگواری کا رخ نوراں کی جانب نہیں تھا     

اس کے بعد نوراں کا ذکر میرے سامنے تب ہوا جن دنوں میں اپنے اور زوجہ کے لئے حج بیت الله کی غرض سے کاغذات بنوا رہا تھا. اس غریب کی بڑی خواہش تھی کے وہ اور میں الله اور اس کے نبی پاک کی خدمت میں پیش ہوں اور اولاد کی دعا کریں. میرا بھی من تھا کے کسی بہانے سے مکّے مدینے کی زیارت ہوجاے. نام کے ساتھ حاجی لگا ہو تو شاید محکمے والے کسی اچھی جگہ تبدیلی کر دیں. زوجہ کا ایک بھانجا انہیں دنوں وزارت مذہبی امور میں کلرک تھا. اس کی وساطت سے درخواست کی قبولی کی کامل امید تھی. کاغذات فائل میں اکٹھے کیے ہی تھے کے غلام شبّیر ہاتھ میں کچھ اور کاغذات اٹھاے پوھنچ گیا

.میاں جی………ایک کام تھا آپ سے. اجازت دیں تو عرض کروں.” اس نے ہچکچاتے کہا’

ہاں ہاں میاں، کیوں نہیں. کیا بات ہے؟” میں نے داڑھی کے بالوں میں انگلیوں سے کنھگی کرتے ہوئے اس کو بیٹھنے کا اشارہ کیا

میاں جی، آپ کی تو وزارت میں واقفیت ہے. ایک اور حج کی درخواست بھی جمع کرا دیں.” اس نے ہاتھ میں پکڑے کاغذات میری جانب بڑھاے

دیکھو میاں غلام شبّیر، تم اچھی طرح جانتے ہو کے میں گھر بار تمہارے ذمے چھوڑ کر جا رہا ہوں. اور پھر تمہارے پاس حج کے لئے پیسے کہاں سے آے؟” میں نے کچھ برہمی سے پوچھا

.نہیں نہیں میاں جی. آپ غلط سمجھے. یہ میری درخواست نہیں ہے. نوراں کی ہے.” اس نے سہم کر کہا’

کیا؟ میاں ہوش میں تو ہو؟ نوراں کنجری اب مکّے مدینے جائے گی؟ اور وہ بھی اپنے ناپاک پیشے کی رقم سے؟ توبہ توبہ.” میرے تو جیسے تن بدن میں آگ لگ گیی یہ واہیات بات سن کر

میاں جی. طوائف ہے پر مسلمان بھی تو ہے. اور وہ تو الله کا گھر ہے. وہ جس کو بلانا چاہے بلا لے. اس کے لئے سب ایک برابر”. اپنی طرف سے غلام شبّیر نے بڑی گہری بات کی

اچھا؟ الله جس کو بلانا چاہے بلا لے؟ واہ میاں واہ. تو پھر میں درخواست کیوں جمع کراؤں؟ نوراں سے کہو سیدھا الله تعالیٰ کو ہی بھیج دے”. میں نے غصّے سے کہا اور اندر کمرے میں چلا گیا

زوجہ کا بھانجا بر خوردار نکلا اور الله کے فضل و کرم سے میری اور زوجہ کی درخواست قبول ہو گیئ. ٹکٹ کے پیسے کم پڑے تو اسی بھلی لوک کے جہیز کے زیور کام آ گئے. الله کا نام لے کر ہم روانہ ہوگئے. احرام باندھا تو گویا عمر بھر کے گناہ اتار کے ایک طرف رکھ دیے. الله کا گھر دیکھا اور نظر بھر کے دیکھا. فرائض پورے کرتے کرتے رمی کا دن آ گیا. بہت رش تھا. ہزاروں لاکھوں لوگ. ایک ٹھاٹھیں مارتا سفید رنگ کا سمندر. گرمی بھی بہت تھی. میرا تو دم گھٹنا شروع ہوگیا. زوجہ بیچاری کی حالت بھی غیر ہوتی جا رہی تھی. اوپر سے غضب کچھ یہ ہوا کے میرے ہاتھ سے اس غریب کا ہاتھ چھوٹ گیا. ہاتھ کیا چھوٹا، لوگوں کا ایک ریلا مجھے رگیدتا ھوا پتا نہیں کہاں سے کہاں لے گیا. عجب حالات تھے. کسی کو دوسرے کا خیال نہیں تھا. ہر کوئی بس اپنی جان بچانے کے چکّر میں تھا. میں نے بھی لاکھ اپنے آپ کو سمبھالنے کی کوشش کی مگر پیر رپٹ ہی گیا. میں نیچے کیا گرا، ایک عذاب نازل ہوگیا. ایک نے میرے پیٹ پر پیر رکھا تو دوسرے نے میرے سر کو پتھر سمجھ کر ٹھوکر ماری. موت میری آنکھوں کے سامنے ناچنے لگی. میں نے کلمہ پڑھا اور آنکھیں بںد کی ہی تھیں کے کسی الله کے بندے نے میرا دایاں ہاتھ پکڑ کے کھینچا اور مجھے سہارا دے کر کھڑا کر دیا

میں نے سانس درست کی اور اپنے محسن کا شکریہ ادا کرنے کے لئے اس کی طرف نگاہ کی. مانو ایک لمحے کے لئے تو بجلی ہی گر پڑی. کیا دیکھتا ہوں کے میرا ہاتھ مضبوطی سے تھامے نوراں کنجری کھڑی مسکرا رہی تھی. ‘یہ ناپاک عورت یہاں کیسے آ گیی؟ اس کی حج کی درخواست کس نے اور کب منظور کی؟’ میں نے ہاتھ چھڑانے کی بہت کوشش کی مگر کہاں صاحب. ایک آہنی گرفت تھی. میں نہیں چھڑا سکا. وہ مجھے اپنے پیچھے کھینچتی ہوئی ایک طرف لے گیی. اس طرف کچھ عورتیں اکٹھی تھی. اچانک میری نظر زوجہ پر پڑی جس کی آنکھوں میں آنسو تھے اور وہ بیتاب نگاہوں سے مجمع ٹٹول رہی تھی. ہماری نظریں ملیں تو سب کلفت بھول گیی. میں دوڑ کر اس تک پہنچا اور آنسو پونچھے

.کہاں چلے گئے تھے آپ؟ کچھ ہوجاتا تو؟’ پریشانی سے الفاظ اس کے گلے میں اٹک رہے تھے’

بس کیا بتاؤں آج مرتے مرتے بچا ہوں. جانے کون سی نیکی کام آ گیی. میں تو پاؤں تلے روندا جا چکا ہوتا اگر نوراں نہیں بچاتی.’ میں نے اس کو تسلی دیتے ہوئے کہا

.نوراں؟ ہماری پڑوسن نوراں؟ وہ یہاں کہاں آ گی؟ آپ نے کسی اور کو دیکھا ہوگا’. اس نے حیرانگی سے کہا’

ارے نہیں. نوراں ہی تھی’. میں نے ادھر ادھر نوراں کی تلاش میں نظریں دوڑایئں مگر وہ تو نجانے کب کی جا چکی تھی. بعد میں بھی اس کو بہت ڈھونڈا مگر اتنے جمے غفیر میں کہاں کوئی ملتا ہے

خدا خدا کر کے حج پورا ھوا اور ہم دونوں میاں بیوی وطن واپس روانہ ہوے. لاہور ائیرپورٹ پر غلام شببر پھولوں کے ہاروں سمیت استقبال کو آیا ہوا تھا

بہت مبارک باجی. بہت مبارک میاں جی. بلکہ اب تو میں آپ کو حاجی صاحب کہوں گا.’ اس نے مسکراتے ہوئے ہم دونوں کو مبارک دی تو میری گردن حاجی صاحب کا لقب سن کراکڑ گیی. میں نے خوشی سے سرشار ہوتے ہوے اس کے کندھے پے تھپکی دی اور سامان اٹھانے کا اشارہ کیا

ٹیکسی میں بیٹھے. میں نے مسجد اور گھر کی خیریت دریافت کی تو نوراں کا خیال آ گیا.

.میاں غلام شببر، نوراں کی سناؤ’. میرا اشارہ اس کی حج کی درخواست کے بارے میں تھا’

.اس بیچاری کی کیا سناؤں میاں جی؟ لیکن آپ کو کیسے پتا چلا؟’ اس نے حیرانگی سے میری جانب دیکھا’

.بس ملاقات ہوئی تھی مکّے شریف میں.’ میں نے اس کے لہجے میں چھپی اداسی کو اپنی غلط فہمی سمجھا’

مکّے شریف میں ملاقات ہوئی تھی؟ مزاق نا کریں میاں جی. نوراں تو آپ کے جانے کے اگلے ہی دن قتل ہوگیی تھی.’ اس نے گویا میرے سر پر بم پھوڑا

.,قتل ہوگیی تھی؟’ میں نے اچھنبے سے پوچھا’

جی میاں جی. بیچاری نے حج کے لئے پیسے جوڑ رکھے تھے. اس رات کوئی گاہک آیا اور پیسوں کے پیچھے قتل کر دیا غریب کو. ہمیں توصبح کو پتا چلا جب اس کے بچوں نے اس کی لاش دیکھی. شور مچایا تو سب اکٹھے ہوئے. پولیس والے بھی پہنچ گئے اور اس کی لاش پوسٹ مارٹم کے لئے لے گئے. ابھی کل ہی میں مردہ خانے سے میّت لے کے آیا ہوں. آج صبح ہی تدفین کی اس کی.’ غلام شببر کی آواز آنسوں میں بھیگ رہی تھی

.قاتل کا کچھ پتا چلا؟’ میں ابھی بھی حیرانگی کی گرفت میں تھا.’

پولیس کے پاس اتنا وقت کہاں میاں جی کے طوائفوں کے قاتلوں کو ڈھونڈہے. اس بیچاری کی تو نمازجنازہ میں بھی بس تین افراد تھے: میں اور دو گورکن.’ اس نے افسوس سے ہاتھ ملتے ہوئے کہا

.اور اس کے بچے؟ ان کا کیا بنا؟’ میں نے اپنی آنکھوں میں امڈ تی نمی پونچھتے ہوئے دریافت کیا’

نوراں کے بچے نہیں ہیں میاں جی.’ غلام شببر نے مرے کان میں سرگوشی کی. ‘طوائفوں کے محلے میں جب کوئی لڑکا پیدا ہوتا ہے تو زیادہ تر اسے راتوں رات اٹھا کر کوڑے کے ڈھیرپر پھینک دیا جاتا ہے. وہ سب ایسے ہی بچے تھے. نوراں سب جانتی تھی کے کس کے ہاں بچہ ہونے والا ہے. بس لڑکا ہوتا تو اٹھا کر اپنے گھر لے آ تی. کہنے کو تو طوائف تھی میاں جی مگر میں گواہ ہوں. غریب جتنا بھی کماتی بچوں پے خرچ کر دیتی. بس تھوڑے بہت الگ کر کے حج پے جانے کے لئے جمع کر رکھے تھے. وہ بھی اس کا قاتل لوٹ کر لے گیا

یہ بتاؤ غلام شببر، جب میں نے اس کی درخواست جمع کرانے سے انکار کیا تو اس نے کیا کہا؟’ مجھ پے حقیقتوں کے در کھلنا شروع ہو چکے تھے

بس میاں جی، کیا کہتی بیچاری. آنکھوں میں آنسو آ گئے. آسمان کی جانب ہاتھ اٹھاے اور کہنے لگی کے بس تو ہی اس کنجری کو بلاے تو بلا لے’. مجھ پر تو پوچھو گھڑوں پانی پڑ گیا. تاسف کی ایک آندھی چل رہی تھی. ہوا کے دوش میری خطائیں اڑرہی تھیں. گناہوں کی مٹی چل رہی تھی اور میری آنکھیں اندھیائی جا رہی تھیں

آپ کیوں روتے ہیں میاں جی؟ آپ تو ناپاک کہتے تھے اس کو.’ غلام شبّیر نے حیرانگی سے میری آنسوں سے تر داڑھی دیکھتے ہوئے کہا

کیا کہوں غلام شببر کے کیوں روتا ہوں. وہ ناپاک نہیں تھی. ناپاک تو ہم ہیں جو دوسروں کی ناپاکی کا فیصلہ کرتے پھرتے ہیں. نوراں تو الله کی بندی تھی. الله نے اپنے گھر بلا لیا.’ میری ندامت بھری ہچکیاں بند ہونے کا نام نہیں لے رہی تھیں اور غلام شببر نا سمجھتے ہوئے مجھے تسّلی دیتا رہا

ٹیکسی محلے میں داخل ہوئی اور مسجد کے سامنے کھڑی ہوگیی. اترا ہی  تھا کے نوراں کے دروازے پے نظر پڑی. ایک ہجوم اکٹھا تھا وہاں

‘کیا بات ہے غلام شببر؟ لوگ اب کیوں اکٹھے ہیں؟’

میاں جی میرے خیال میں پولیس والے ایدھی سنٹر والوں کو لے کے آے ہیں. وہ ہی لوگ بچوں کو لے جاییں گے. ان غریبوں کی کوئی دیکھ بھال کرنے والا نہیں ہے.’ غلام شببر نے کچھ سوچتے ہوئے کہا

میں نے زوجہ کا ہاتھ پکڑا اور غلام شببر کو پیچھے آنے کا اشارہ کرتے ہوئے نوراں کے دروازے کی جانب بڑھ گیا

.کہاں چلے میاں جی؟’ غلام شببر نے حیرانگی سے پوچھا’

نوراں کے بچوں کو لینے جا رہا ہوں. آج سے وہ میرے بچے ہیں. اور ہاں مسجد کا نام میں نے سوچ لیا ہے. آج سے اس کا نام نور مسجد ہوگا              

                                  

                    

     

       

   

     

         

             

      

 

    

      

                         

     

                 

             

 

     A

You may also like

No Comments

  1. Awesome Story <3
    Tears fall on my cheeks while I was reading
    Keep it up to show the Great character of people such as this one

    Reply

  3. Going through the Story…. it got harder and harder to really see the text for reading….. somehow and for “reasons unknown”, my view got very blurry as I was experiencing watery eyes…… strange..!!

    The take away of the story in the simplest form would be……

    “Don’t judge a book by its cover”
    ― George Eliot, The Mill on the Floss

    But if one really think of it, the story gives quite a multifaceted lesson of life and character-building…. and it would be truly dishonest not to ponder over, or take the following two quotes into consideration as the real take away of the story…!!

    “Judging others makes us blind, whereas love is illuminating. By judging others we blind ourselves to our own evil and to the grace which others are just as entitled to as we are.”
    ― Dietrich Bonhoeffer, The Cost of Discipleship

    “It’s not given to people to judge what’s right or wrong. People have eternally been mistaken and will be mistaken, and in nothing more than in what they consider right and wrong.”
    ― Leo Tolstoy, War and Peace

    Thanks for reminding some basic yet hugely important applicable guidelines towards humanity. Applying this, really do simplify ones own life… beyond imagination.

    Oh…. I forgot…. did I tell You… I enjoyed the read immensely..!!

    Reply

        1. The comment earlier….
          “I am a man of few words so I hope, in appreciation of Your very kind comment, it will suffice to say “Thanks”..!”

          Was for “Saaya50″…

          To Your comment my Dear Sherri, I can only say that I am sincerely “Speechless & humbled”..!!

          By the way I also learnt something new today. I never new a brown person like me could blush.

          Reply

  6. بھیا بہت دل سے لکھا. اللہ تعالٰی آپ کے قلم میں اس تاثیر کو دوام بخشیں. آمین.

    Reply

  16. کہانی کی بنت اور فضا کی تخلیق پختہ نگاری کا پتہ دیتی ہے۔موضع بہت نیا نہیں ہے۔بہت بار برتا گیا ہے لیکن آپ کے قلم نے اس میں نیا پن پیدا کردیا ہے جو ا
    شہر یار گوندل، بہت عمدہ کہانی لکھی ہے آپ نے۔ شدت تاثر اور عمدہ کردارنگاری کی حامل ۔ آپ کی فنی پختگی اور کہانے کے عمل کو کسی نہ کسی حد تک سمجھنے کی دلیل ہے۔۔میں آپ کی کچھ اور کہانیاں پڑھنا چاہوں گا۔

    Sorry, I tried to write my comments in Urdu but perhaps there are some issues of fonts etc. Please rearrange the sentences by yourself.

    Muhammad Atif Aleem
    Islamabad

    Reply

  17. Impressive Story ! This is what we all behave with downtrodden ! Halaat o waqehat kahan se kahan pohncha dete hain. So, we should change others with our nice, merciful, kind behavior.

    Reply

  18. A very good read after a long time.
    This is what has to be kept alive ….. storytelling.
    There alive are millions glorious tales buried, unheard. …. unsung, hope you keep some of them alive.
    Stay blessed.

    Reply

  21. کیا عمدہ کہانی ہے اور لکھنے کا انداز بہت ہی نپا تلا اور خوبصورت ہے۔ کردار نگاری اس کمال کی ہے کہ مولوی صاحب اور نوراں کے کردار ہی نہیں بلکہ غلام شبیر اور مولوی کی زوجہ کا سراپا بھی ذہن میں نقش ہو جاتا ہی۔ بہت عرصے بعد اردو میں بہترین کہانی کہانی پڑھنے کو ملی۔ بہت دی داد قبول کیجئے ۔

    Reply

  28. ایک بات ذہن میں رکھیے گا کہ یہ لبرل لکھاری ایک مولوی کے اندر شیطان صفت بھڑیے کو ڈال کر ہر نیک صفت تہجد گزار شخص کو بدنام کرنا جانتے ہیں اور ایک قاتل ،چور ،طوائف اور ڈاکو کے سینے میں ایک رحمدل کردار تخلیق کرکےاس قماش کے ہر فرد کو عظمت کی سربلندیوں پر سر فراز کر دیتے ہیں۔

    Reply

  30. Well knitted story narrated by you. You have a ability to express your views with thoughts and emotions. It should be telecast for the batterment of society in which we are living in hate atmosphare.

    Reply

  32. One of the best short stories I have ever read… utterly moving. Provides food for thought to those who spread hatred amongst human beings by thinking others as evil and considering themselves as angels free of evils.

    Reply

  35. شہریار خاور صاحب آج کے اس تند و تیز دور میں کسی بھی انسان کے پاس اتنا وقت نہیں ہوتا کہ وہ کسی کی بھی تحریر کو ایک منٹ سے زیادہ دیر پڑھ سکے لیکن آپ کی تحریر میں ایک ایسی کشش تھی کہ دل کر رہا تھا کہ اسے اور پڑھوں بہت اچھی اور سبق آمیز تحریر ہے آپ کی آپ نے بہت اعلٰی انداز میں تمام کرداروں کا نقشہ کھینچا ہے۔ ماشااللہ۔
    وسلام
    صدام تاج

    Reply

  37. the best effort you made to change the perception of human being about the human beings…..
    she lives in the worst place of the world but she do the best service to those who were thrown at the garbage….
    you used two extreme characters of the society and then made them equal in the eyes of THE CREATOR…
    this is worth reading short story in real sense..
    keep it up, the writers are those who changed the societies always…

    Reply

  43. First of all Awsome….
    I just want to know is this based on a true story or you create it….??? Fiction??? I want to know this bro.
    Thanks

    Reply

  49. صدیوں پرانے موضوع کو اس قدر سادگی اور پر اثر انداز میں پیش کیا ہے کہ مزا ہی آگیا۔ لکھتے رہیے۔ داؤد کاکڑ

    Reply

  50. Wel done Mr. Shehryar Khan
    Its a brilliant & heart touching story. Always think urself non of others. We are not right person to decide who is wrong who is right because mighty ALLAH nows very well about everyone. Jazak Allah

    Reply

  51. Wel done Mr. Shehryar sir
    Its a brilliant & heart touching story. Always think urself non of others. We are not right person to decide who is wrong who is right because mighty ALLAH nows very well about everyone. Jazak Allah

    Reply

  58. بہت زبردست ۔ ۔
    واقعی ہم نیک اور گہنگار کا فیصلہ کرنے میں کچھ زیادہ ہی آزاد ہیں حالانکہ یہ کام خدا کا ہے۔

    Reply

  59. Rula diya aap li kahani nay!! Aisa laga koi film chal rahi ho. Really beautifully written with humanity at its core.

    Reply

      1. Nice Maseg For All Muslims
        Esi Liye To Hmara Rab Bhe Hum Se ye He Kehta Hy K Kabhe Kesi k Mazhab Ko Bhe Kuch na Kaho,
        Kiun K Faisla Kerny Wali Zaat Sirf Or Sirf ALLA Tala he Ki Hy,

        Reply

  68. Kafi arsey baad aik yaadgaar afsana parhney ko mila! Markazi khayal k sath sath alfaaz ka chunao bhi bohut khoob hai. Khush rahiye aur likhtey rahiye! Aap k mazeed afsaanon ka intizaar rahey ga.

    Reply

  69. One of te best short story. One is just carried away by the story and feels he is seeing the characters in real. Keep it up dear!

    Reply

  72. Thank you for showing mirror to us. Anyone can see his or her face in these characters. Keep writing. Keep showing mirror.

    Reply

  75. The Concept is Unique, portrayal of Characters is Authentic and Sincere and your story telling style is EXCEPTIONAL Shehryar, do keep writing,.
    Reading this was a rare treat, God Bless !!

    Reply

  77. Wow! It was really amazing. I never went deep down while reading blogs but in this one , I was almost lost. Brilliant work.
    Will wait for your next unique article.

    Alert me through email for your new article. Thanks.
    Be Blessed.

    Reply

  78. Amazing Story
    Would like to read all your works …. is it available online. Please send me links.
    I don’t mind paying for hard copies if you have got it published in the form of a book.
    Thanks
    Kind regards
    Javid Banday
    Canada

    Reply

  81. Reality’s in our society……. Khawar Sb. Me apny buzrgo se sunta ho .k Sher ko kuch log waqit k wali k pass gy or barish ki dua krwani cha he…lakin is NY kha k tum fla khngri k pass chly Jo or dua krwa lo barish ki……me sochta ho k tasuvof ka ye phlo ab be poshida hy…ya ap jsy writers k afsano me paya jata hy…pta nai wo nakie kya hy Jo NOORA ko vilayat se hmkinar kr duty hy…wo naike hum jasy logoo se Q nai hoti……………,…?

    Reply

  85. Shehrtar khawar…Really a true picture of our society. How ppl can say Mumtaz Qadri is Hero.. Any boday have no right to kill any boday. How Allah take works from ppls He Know better.

    Reply

  89. Very touching and expressive, a small technical glitch however, Ghulam shabbir mentions that nooran got murdered the next day after Imam’s departure for Haj, then goes on to say I am coming from her burial today?
    Otherwise a very sensitive topic handled very artistically and passionately.

    Reply

    1. Thank-you Shakeel Sahab. I would like to draw your attention towards the fact that police took the body for post mortem and ghulam shabbir took possession of the body from the morgue. I hope that addresses the glitch

      Reply

      1. Then why we should inspire from such imagine stories…? Might be your logic is wrong. Soo chohaey kah kr bili hajj ko chali..

        Reply

      1. Excellent. No doubt eye opening story. I am really grateful to all who have shared it. May Allah Almighty grant them Jannah and pardon me.

        Reply

  93. Awesome!! read a beautiful thing after a long time… Shehryar Khawar you right with your heart!! and i am amazed someone is still writing in “salees Urdu”… aaj kal k writers aisi urdu nahi likhtay… May Allah bless you…looking forward to read more from you..

    Reply

  101. شہریار خان صآحب میرے پاس الفاظ نہیں ہیں کہ میں اس حقیقت کو بیاں کر پاوں کہ نوراں کنجری پیرا منڈی کا ایک کردار نہیں بلکہ ہمارا ایک معاشری المیہ ہے۔
    گناہ و ثواب کی دوڑ میں ہم انسانیت کو کیسے پیچھے چھوڑ رہے ہیں۔ لیکن نوراں کنجری میں بخوبی پڑھا جا سکتا ہے۔

    ssaakmashadi@gmail.com

    Reply

  102. yahan hum baghair kuch dekhay baghair kuch sochay doosray insan kay baray mein raaye qaaim kar laity hain k ye aisa hai ye waisa hai aur kabhi ye nahi socha k hum khud kitnay gunehgaar hain…jis din hum khud ko wali Allah samjhna chor dain gy shayad us din Wali Allah ban jayain.

    i appreciate you for writing this kinda heart touching story.can i ask one more thing is it real story or fictioned??

    Reply

  106. Excellent highly touching story – great style, format and diction . You revived the memories of great Saadat Hasan Manto. I am overwhelmed and impressed with your sensitivity to the real human issues and society’s fake values and righteousness especially religious element. You are not only a great fiction writer but great human to be alive to these real issues. Very best wishes for future work … love you

    Reply

  107. Very well…Awesome…you unleashed truths about the part of society we even don’t want to talk about. Story is remarkably arranged and written .

    Reply

  110. بہت خوب شہریار بھائی بدقسمتی سے ہم تصویر کا دوسرا رخ جاننے کی کوشش ہی نہیں کرتے لیکن اس میں بہت کچھ سیکھنے اور کہنے کو ملا ہے.

    Reply

  114. کافی عرصے بعد ایک خوبصورت کہانی پڑھنے میں آئ- الفاظ کا چناؤ، واقعات کا تانابانا، اورسب سے بڑھ کے مصنف کی حقیقت پسندی افسانے کی جان ہے- اس شاندار تحریر پہ میری طرف سے بہت بہت مبارکباد

    Reply

  127. I used to read the novels of Inayat Ullah Khan back when i was in 9th and 10th. Never had the time and chance again to read something on social issues with such a beautiful style and narration. I feel i have got that soul back after almost 15 years when some fiction has led me to cry. Keep it up Shehryar

    Reply

  129. shehryar sahab aj tak main itna nahi roya jitna aj apki ye story parh k rona aya
    yaqeen manain bohat bari haqeeqat chupi hy is story main
    اللہ عزوجل
    hum sub ko ikhlas ki dolat se mala mal frmaey
    hum sub ko apna mutee o frma bardaar banda banaey
    a kash hamain haqeeqi maanon main
    خوف خدا naseeb ho jaey
    aameen

    Reply

  138. بیت عمدہ تحریر ہے، لیکن ایک چیز سمجھ نہیں آئی ۔۔۔۔۔۔۔۔۔۔
    نوراں تو آپ کے جانے کے اگلے ہی دن قتل ہوگیی تھی.’ اـ

    اور نماز جنازہ امام صاحب کے حج سے واپسی سے ایک دن پہلے ادا کی گئی ۔۔۔۔۔

    اس پر تھوڑا مجھ ناسمجھ کی رہنمائی فرمادیں ۔۔۔۔۔۔

    Reply

  146. Beautiful calligraphy of a sick disease of our society into words.
    Really impressive lesson.
    You did a good job Mr. Khawar

    Reply

  149. Religious Rituals with out inner purification always create proud and hatred especially for those who don’t look busy in such prayers. This Proud & Hatred has over lapped the whole religion and nothing positive has been left. Every body here in Islam is spreading Hatred in the society in the name of promulgation of religion.
    Religion and its rituals are truly private concerns between a person & Lord. Nobody is suppose to interfere in anybody’s belief and prayers. Every Divine religion has given right of belief to humanity without any coercion.
    Now all Divine Religions have been compromised & fabricated so every individual has become self made judge and mufti to determine right & wrong no matter how much ignorant the individual is.
    This is very much unfortunate for humanity!

    Reply

  155. It is really a thought provoking story, and yes, it is quite true that we are NO ONE to decide who is Holy and who is in a bliss of sin.

    Reply

  164. It is matter of fact that we Don’t know spiritual height of people who apparently have mean source of income like Nooran.

    Reply

  170. Nice piece of literature!! Such ameliorating work can kindle awareness besides agitating deviated minds. My appreciations…..

    Reply

  171. Amazing Story Dear Shehryar Khawar. You ave done an amazing job to open our eyes. Thanks and May Allah be with you always

    Reply

  173. حضرت ے انسان کو یہ بات کیوں نہیں سمجھ میں آتی کہ اسکی تخلیق میں نا پاک پانی یعنی نطفہ اور وہ بھی نا پاک ونجس مقام سے ہوتے ہوئے نا پاک خون ے جہندہ سے ہے پھر اس گندے ناپاک عمل پر اترانا جھل اور کج فہمی کی واضح دلیل ھے. اللہ ایسے جاھلوں کو کہاں داخل فرمائے گا یہ تو آخرت ہی بتائےگی.

    Reply

  186. nobody has right to determine about the bad character of any body, Allah is great and God loves those who love their fellowmen/orphans.

    Reply

  195. Amazing story brother!

    I always think there may be another contemporary angle to a situation.

    Let’s suppose I let my family have a normal relationship with such a neighbour. But I fear my kids may get away with the idea that such acts (in which Nooran was involved) are acceptable, and may get involved at some stage without realizing the gravity of sin. I’m in no way indicating to mistreat her. I fully understand that acts are to be hated, but the persons are to be loved.

    The Shariah tells us to do ‘amar bil maroof wa nahee anil munkar’. I understand that maintaining relation with a person sinning openly may open avenues for abandoning that sin.
    But this should go on till when??
    Won’t our society be impacted if we let the number of such persons get increased with the passage of time?

    Few friends and family are trying to convince a person committing a similar type of sin for the last 20 years or so. Initially, the person understood it was wrong, but couldn’t resist. Later, the person joined such a circle of friends who convinced the person that it is not even morally or ethically or socially or religiously wrong. And the person started demanding the act to be acceptable as legitimate by everybody around as a normal act, just as we take a legitimate marriage.

    Kindly comment on the situation and advise.

    Reply

      2. Amazing story yr, That story should be on TV like a teli film because do something about this because we need stories like this its an eye opening story. Bring it on TV

        Reply

    2. I don’t have and never had a doubt in your intellect . May Allah continue to bless you in health , wealth and wisdom ! Ameen

      I am absolutely surely that one day you will touch the ultimate heights of fame which surely you do deserve. My sincere prayers and all out support shall remain with you – Inshaa Allah .

      My best suggestion will be to use this sheer talent to serve the mankind and tell them what they need to know to make best use of their lives in serving the world and the mankind .

      Stay blessed my dear friend .

      Regards

      Czar

      Reply

  207. Beautiful write up,a big slap on the face of THEEKEDAARS of religion of our country.What really attracts me was the manner of writing,doesn’t look that a writer is a pash Imam of a mosque but if it is written by Mumtaz Mufti or any other literary gem.Great words to choose from.My tributes to the writer.

    Reply

  209. Great idea. Heart touching story. Could not stop my tears flowing from my eyes. Keep it up. Keep on writing new ideas. May you live long.

    Reply

  212. Very impressive and subject topic. We have no right to judge some one’s actions.Only a small noble act dominates all our major sins. Allah keep all of us on right path (amen).

    Reply

  218. دل کو جھنجھوڑنے والی تحریر۔ بہت عرصے بعد اک تحریر پڑھی اور ریڑھ کی ہڑی میں اک بجلی کی لہر سی دوڑی۔ دل ڈرا اور اپنے اندر جھانکنے کو موقع ملا۔
    آپکی تحریر کا شُکریہ۔۔

    Reply

  219. great story khawar sahib, may Allah grant us true understanding about islam which is a religion of love, peace and harmony

    Reply

  220. … ایک انتہائی گہری اور سبق آموز کہانی .. لکھنے والے کے لئے ڈھیروں کی ڈھیر داد بھی کم ہے …. بہت ہی شاندار ….

    Reply

  225. That’s really an awesome story.. I read your two stories recently.. An amazing sketch u drawn.. Appreciate.. Kindly msg or mail me when u write a new story.. 🙂

    Reply

  229. Unforgetable Stroy of True Love with ALLAH…
    That,s not important Who are you, important is Our act Who we done,
    i think this is not a Story,its a Leason for Muslims if we can Understand..!!!!
    Thanks Shehryar 🙂

    Reply

  232. I have read a similar story “Aanandi” written by Ghulam Abbas Sahib, a reknowned Short story writer.
    this was also superb..

    Reply

  234. This brought tears in my eyes. I have shared this post on the Facebook requesting all my Facebook friends and family members to read every word of this story with keen interest and then endorse their comments with the hope that this story reaches to the maximum people around us.

    Reply

  239. Good work bro but as I know that Haram earnings (in this case by prostitution) is not acceptable as sadiqa or farewell of others.

    Reply

  240. hats off man! I didn’t know these kind of writers are alive in this age!
    Usually it is very brave to touch this part of our society, but you have done it.

    Reply

  244. An exceptional story, shared with my colleagues and friends. It jolted our souls and melt us down. Khawar thank you for creating such a master piece. GOD bless you always 🙂

    Reply

  245. I m not very fond of reading. But the way u wrote it my interest kept alive till the very end and i read it in one go which is a big thing for me. Gr8 job.

    Reply

      1. هُوَ الَّذِيْ خَلَقَ السَّمٰوٰتِ وَالْاَرْضَ فِيْ سِـتَّةِ اَيَّامٍ ثُمَّ اسْـتَوٰى عَلَي الْعَرْشِ ۭ يَعْلَمُ مَا يَـلِجُ فِي الْاَرْضِ وَمَا يَخْــرُجُ مِنْهَا وَمَا يَنْزِلُ مِنَ السَّمَاۗءِ وَمَا يَعْرُجُ فِيْهَا ۭ وَهُوَ مَعَكُمْ اَيْنَ مَا كُنْتُمْ ۭ وَاللّٰهُ بِمَا تَعْمَلُوْنَ بَصِيْرٌ Ć۝
        وہی ہے جس نے آسمانوں اور زمین کو چھ دنوں میں پیدا کیا اور پھر عرش پر جلوہ فرما ہوا ۔اُس کے علم میں ہے جو کچھ زمین میں جاتا ہے اور جو کچھ اُس سے نکلتا ہے اور جو کچھ آسمان سے اُترتا ہے اور جو کچھ اُس میں چڑھتا ہے ۔ وہ تمہارے ساتھ ہے جہاں بھی تم ہو ۔جو کام بھی تم کرتے ہو اسے وہ دیکھ رہا ہے۔(4)

        Reply

    2. Maqsad ye hy k insan k taqwaa ka myaar ham jaanchny ki koshash karty hen uski zahri aamaal se. Lekin Allah ka mehboob kon hy is ki aik alag haqiqat hy jo Allah e janta hy. Hamain Gunahoon se to tobah karni chahye per gunahgaar se nafrat ni krna chahye. iss ka her giz ye maqsad ni k tawaef ban-na koi aezaaz ki baat hy. per aik tawaef agar haraam k paisu se b laawaris bachu ko quraan parhati aur unki parwarish karti hy to hamain ye to man-na chahye k usy koi sawaab ni mily ga. Per iss baat se inkaar b ni karna chahye k us k in amaal ki wajah se wo Allah ki mehboob ho sakti hy.
      [23/12 11:36 am] Sajid Bzu Warid: Allah ki rehmat ghair mehdood hy wo jisy chahy baksh dy . Zina agarchy gunah-e-kabeera hy per maafi ki gungaesh maujood hy

      Reply

  249. Ham dosroon ko Bura Kehtay hain very sad very very sad.
    It’s really a heart touching story and also reality.
    Allah knows very well about every thing in the minds and hearts.
    Be positive and open and honest.
    Stay blessed

    Reply

  252. aap ki tehrer parh kar lagta hai aap ne apni zindagi main shayad hi kabhi kisi ko dukh diya ho..apni AAP-BITI zaroor likhein..

    Reply

      1. it is extremely heart touching with a message that it will be ALMIGHTY ALLAH who knows every thing about a person whether he is good or bad. we should not be giving judgments about people. may be the one who we consider low in character might be the beloved one of Almighty Allah.

        Reply

  257. nooran kanjri … cant express my feelings … kon ha gandd ma luthra aur kon ha pakiza .. Khuda jaanta ha.. bass Issal insaan , insaan k under hai .

    Reply

  261. This is nice story.
    To improve I suggest two changes
    1) Nooran died just after one day the departure of Imam sb but buried just on the day he came back from Hajj. For Hajj it takes 2-3 months. So writer should consider this point.
    2) For two people, Hajj expenditures are roughly 8-10 lacs. The couple is shown like that they cannot afford to cook 3 times a day but they managed huge amount for Hajj by selling some gold items. I suggest the writer to show some better financial condition of Imam or show some sudden arrival of big amount.

    Once again the story is very nice and useful for those who give statements about others for nothing or make opinion very quickly.

    Reply

    2. Chatta sahib Normal hajj frOm Pakistan takes 40 days… and the total visa of hajj is of 60 days..The official hajj charges nowadays are 2 lac 70 thousands…. Its not that expensive and that lengthy so have a Nap 😊

      Reply

    3. Note that the dead body was taken for autopsy and in many cases it takes weeks if not months for getting the body.
      Haj packages range from around 7 days to 40 days, depending upon many factors. Main point is to learn lessons moving forward.

      Reply

  266. no doubt Story is Awesome And Also I Like Mr Atif Chattha Suggestion Jab Story Parhna Start Ki To Laga Aadhi Aaj Aadhi Kal Parhni Paregi Per Dil Hee Nahin Mana Ke Story Aadhori Chorun……

    Reply

  270. @Atif Chattha
    Answer for your points raised could be as follow….
    1: it is mentioned that dead body was in Mortuary(murda khana) for post mortem and u knw the system in Pakistan how quick it is and specialy if its a layman they dont give a crap.
    2: for expenses they put application in Mehkma e oqaaf so that means if m not wrong it was govt funded hajjj which does not cost much for two ppl i guess its around 3lacs and even if it is not the case ghareeb log pai pai akathi kar k hajj kar he letey hen ameeron ko fursat nahi hoti…
    now apart from all these things this was a moral story just read it enjoy it and learn something from it rather pointing out small mistakes and stuff. Its better to write a piece urself then u will have an idea how does it work.
    @Writer: very well written and balanced piece of art Sir and most importantly it is the true reflection of our society jahan ham log jannat dozakh k certificates bant rahy hoty hen…
    ***Peace***

    Reply

  271. اسلام علیکم
    اگر تو یہ تحریر سچی ھے تو ھم سب مل کر نوراں کی مغفرت کے لئیے دعا کرتے ھیں کہ اللہ تعالی نوراں کے کبیرہ صغیرہ گناہ معاف فرمائے اور جنت الفردوس میں اعلی مقام سے نوازے اور اس کی بخشیش فرمائے آمین ثمہ آمین
    اور ھمیں نیک وصالح اعمال کی توفیق عطا فرمائے
    اس تحریر سے ھمیں یہ درس ملتا کہ
    کسی کو اپنے سے کمتر نا سمجھیں دلوں کے بھید تو ھی جانتا ھے جسے برا کہیتے ھیں آس کے اعمال ھم بہتر ھوں

    Reply

    2. Saeed sb agar yeh sachi hoti tu Nooran ki maghfirat ka tu story may hi pata chal gya tha…. Humay yeh story parh kar apni apni maghfirat ki dua karni chahiay… ALLAH TALA hum sab ko maaf karay Ameeen

      Reply

  274. Khawar sahib aap Kay usloob. Say bilkul wazeh hota hai keh aap mojooda commercial Urdu se mutasir nahin hain. Or na hi jiddat kay. Naam Per la yaniyat zada hain .mahol Kay mutabiq zaban istimal ki gai hai.albata chand aik alfaz ghor talab hain jaisay Rappatt etc.all the best.shandaar!!!

    Reply

  276. mohbat aur ibadat m dair nae karni chaye Allah Jesa Koi Meharbhan nae hae na ho sakta hae wo qaderdan hae bus mery bhaiyo marnay sy phely Allah ko raazi kar lo

    Reply

  279. A TRUE STORY : Once apon a time there were two prostitutes somewhere in rural areas. people of the village came to a new imam sb of the mosque and requested to do something of these two prosts so that the village will be safe of their sins. Imam sb booked one of these two prosts for a night. after the dinner the prost thought that now she will be paid by the Imam sb and she will share the deb with Imam sb. But imam sb asked her to have a shower that she did, than imam sb have her new suite to wear she followed the instructions, now Imam sb requested her to come on the Jay-e-Namaz. she refused and argued that she come here for having good time and money not for establishing prayers. Imam sb told her that you been paid now its my discretion i will do what i like. she agreed and came on the Jay-e-Namaz. Imam sb put her started Namaz and asked her to recite with him what he says, she started following him, at the point when Imam sb recited ” AHDINAS-SIRATUL-MUSTAQEEM” her tongue did not performed the words. after many tries she hardly spoke the words. the night went on doing so. early in the morning prayer Imam sb started the Dua. “ya Allah pak mera kaam tha is ko yahan tak lane ka jo mn ne kia ab ap jo chaho ap ki marzi.” in the morning Imam sb see off her with the payment. Days gone on its pace. after many years Imam sb was going to a new place. one of his mureeds (spritual followers) told him “hazrat” we have heard about a pious women of this area we should meet her, he agreed and went to the hujra of that pious and saw that the pious was that very woman who is connecting people with GOD. (ALLAHUS-SAMAD)

    Reply

  281. Great write up, reminds of Ashfaq Ahmed at some points. Best line for me in the context, and to some extent which also describes the dichotomy the whole plot is trying to capture, was: . مکالموں اور فقروں سے یہ معلوم پڑتا تھا کے جیسے طوائفوں کے محلے میں مولوی نہیں، شرفاء کے محلے میں کوئی طوائف وارد ہوئی ہو.
    Brilliant.

    Reply

  283. hum loog marny kay baad hi qadar kraty hain, Nice Story, Allah ki bargha main koon kitna ahaum hain we do’nt Now.

    Reply

  285. اس تحریر سے ھمیں یہ درس ملتا کہ
    کسی کو اپنے سے کمتر نا سمجھیں دلوں کے بھید تو ھی جانتا ھے جسے برا کہیتے ھیں آس کے اعمال ھم بہتر ھوں
    humain chaiay ke kisi ko bhi bura na jannain Allah se behter koi ksi ko ni jaan skta ..
    kisi ko bura kehne se pehle apna garebaan zaroor dekhna chaeye.

    Reply

  289. بہت عمدہ افسانہ لکھاہے آپ نے. اگر آپ اجازت دیں تو اسے فیس بک پر بنائے گئے ادبی فورم AFSANA GO پر لگادوں؟ .

    Reply

  290. Very nice and Heart touching story….. ALLAH swt ko kis ki kon c adda pasand ajaye koi nahi janta ( kisi ko judge krne se pehle sochna chahiye ke hum mein kya khubi hai!) Very well written

    Reply

  293. I don’t know if it’s true or not, if it’s a fiction or reality. Whatever it is, it is highly enlightening. May God Bless with you with His Countless Blessings. A beautiful effort indeed.

    Reply

  294. Such a heart touching story … beutiful depiction and charachterisation .. i imagined being there and witnessing the event myself … keep writing .. best of luck ..

    Reply

  296. Aslamo-alekum very very nice
    Asloob bayan very nice
    It represent our true cultre
    Keep it up
    Movlie saab charactor was little too dark but i can imagine you are right, at the end you corrected it very well
    I recieved your story in a whatsapp group in uk, it was incomplete so i googled it , it was you amazing that i wanted to red it in full,
    Wa-alaikum-assalam
    Muhammad atif glasgow uk

    Reply

  304. Buht aala. Aap sirf short stories likhty hain? Ap ki story Mohabbat, zarurat aur bhulley shah parhny ke baad se mai apki fan ho gai hun. Very well written. I wish key wo story ek complete novel hoti!

    Reply