تم زندہ ہو؟

images (2)

تم زندہ ہو؟

حیرت ہے کے اب بھی زندہ ہو

خون بہا کر زندہ ہو؟

بچوں  کو مار کر زندہ ہو؟

ماؤں کولوٹ کر زندہ ہو؟

تم زندہ ہو؟

حیرت ہے کے اب بھی زندہ ہو

مذہب تمہارا قاتل ہے؟

مذہب تمہارا ظالم ہے؟

مذہب تمہارا محبت ہے

مذہب تمہارا رحمت ہے

محبت جلا کر زندہ ہو؟

رحمت روند کر زندہ ہو؟

تم زندہ ہو؟

حیرت ہے کے اب بھی زندہ ہو

الله تو سب کا وہ ہی ہے

مالک تو سب کا وہ ہی ہے

پھر اس کے نام پر قتل کرنا

اور قتل کر کے فخر کرنا 

پھر اس کے نام پر جبر کرنا

اور جبر کر کے اکڑ جانا 

صلیب گرا کر زندہ ہو؟

ہلال چمکا کر زندہ ہو؟

 تم زندہ ہو؟

حیرت ہے کے اب بھی زندہ ہو

خوشیاں تو سانجھی ہوتی ہیں

مذہب سے بالا ہوتی ہیں

اور  انسان بھی سب ایک سے ہیں

عیسی، محمّدﷺ، جیسے ہیں  

خوشیاں لوٹ کر زندہ ہو؟

آگ لگا کر زندہ ہو؟

 تم زندہ ہو؟

حیرت ہے کے اب بھی زندہ ہو        

You may also like

Leave a Reply