بارشوں کے موسم میں
بارشوں سے ڈرنا بھی
اک عذاب ہوتا ہے

بارشوں کے موسم میں
بارشوں سے مت ڈرنا
بارشوں کے آنے سے
بارشوں کے پڑنے سے
دل کی آگ بجھتی ہے
شعلے سرد ہوتے ہیں
روح کے خشک پتوں سے
اک دھواں سا اٹھتا ہے
نرم گیلی مٹی سے
اک صدا یہ آتی ہے
آؤ تم بھی آنگن میں
بارشوں کے قطروں میں
آنسو سب بہا ڈالو
آنسو سب چھپا ڈالو

بارشوں کے موسم میں
بارشوں سے مت ڈرنا
بارشیں تو اپنی ہیں
دل کا راز رکھتی ہیں
جب کبھی بھی رونا ہے
بارشوں میں رونا ہے
کھل کر جب بھی رونا ہے
بارشوں میں رونا ہے
بارش سب چھپا ڈالے
بارش سب مٹا ڈالے

بارشیں تب بھی ہوتی تھیں
بارشیں اب بھی ہوتی ہیں
قطرے تب بھی پڑتے تھے
قطرے اب بھی پڑتے ہیں
گھٹایئں تب بھی کالی تھیں
گھٹایئں اب بھی کالی ہیں
پھر بھی سب کچھ بدلا ہے

آنکھیں جب نم اب ہوتی ہیں
غم کی رت جب آتی ہے
بارش بھی خوب ہوتی ہے
بادل بھی گھر گھر آتے ہیں
مگر باہر کچھ نہیں ہوتا
آنگن بھی خشک ہوتا ہے
مگر باہر کچھ نہیں ہوتا
صرف دل ہی نم ہوتا ہے
آنکھوں میں جب بھی جھانکو گے
اک سکوت پاؤ گے
ہونٹوں پر مسکراہٹ بھی
سمندر کی جھاگ پاؤ گے

بارشوں کے موسم تو
اب بھی آتے جاتے ہیں
قطرے جب بھی پڑتے ہیں
نرم گنگناتے ہیں
غم اب بھی قائم ہیں
دکھ بھی شاید دائم ہیں

بارشوں کے موسم میں
رونا اب کچھ مشکل ہے
بارشوں کے موسم میں
رونا اب کچھ مشکل ہے