رب دیاں رب جانے تے رب دے کماں دخل وی کوئی نا

d2bg0u1-613282e7-002f-4333-9b57-5b3309c28f93

!ہاسے لے لو ہاسے

میں جندڑی دی ریہڑی

دے پچھے چلدا

گلی گلی پھردا

واجاں مارنا واں

!ہاسے لے لو ہاسے

لوکی نکلدے نیں

مینوں ویکھ کے

میریاں آوازاں سن کے

کج آندے نیں

ہاسے لے جاندے نیں

پیڑاں دے جاندے نیں

لوکی پیڑاں لیاندے جے

میں اونہاں دیاں پیڑاں

چے اکھاں دا پانی ملا کے

گندھ کے

پولی جئی مٹی بنا کے

ہتھاں وچ مروڑ کے

اپنے دل دی بھٹی چے

چنگی طرح سینک کے

پیڑاں دے ہاسے بنا کے

اونہاں دیاں ہتھاں تھما کے

کہنا واں جاؤ لے جاؤ

ہاسے میرے، پیڑاں اپنیاں

لے وی جاندے نیں

دے وی جاندے نیں

 

!ہاسے لے لو ہاسے

لوکی نکلدے نیں

مینوں ویکھ کے

میریاں آوازاں سن کے

کج آندے نیں

خوشیاں لے جاندے نیں

اتھرو دے جاندے نیں

لوکی اتھرو لیاندے جے

میں اونہاں دے اتھرو

نتھار کے

سانبھ کے

روح دے تاگھے چے پروکے

غور نال جانچ کے

اپنی اکھاں چے وسا کے

چمکا دمکا کے

اتھرواں دیاں خوشیاں بنا کے

اونہاں دیاں اکھاں چے سجا کے

کہنا واں جاؤ لے جاؤ

خوشیاں میریاں، اتھرو اپنے

 

لے وی جاندے نیں

دے وی جاندے نیں

میں کج نہیوں بولدا

میں کج نہیوں پچھدا

میرا کم بولنا نہیوں جے

میرا کم پچھنا وی نہیوں جے

میں فیصلے وی نہیوں دیندا

میں الزام وی نہیوں دیندا

میرا کم سننا جے

غور نال سب کج سننا جے

جیہڑا لوکی کیہ جاندے نیں

او وی

تے جیہڑا لوکی لکا جاندے نیں

او وی

میرا کم سمجھنا جے

پیار نال سمجھنا جے

جیہڑا لوکی سمجھانا چاندھے نیں

او وی

تے جیہڑا لوکی چھپانا چاندھے نیں

او وی

 

ایھو ای میرا کم اے

ایھو ای رب دا حکم وی اے

سننا تے پیار نال سمجھنا میرا کم اے

معافی دینا یا سزا دینا رب د کم اے

میریاں میں جاناں

رب دیاں رب جانے

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s