ایتھے مٹی دے نے سارے

سوہنی سوہنی مورتاں وی

کالیاں پھکی صورتاں وی

اچے لمے شملے وی

ٹلھے ماٹھے کملے وی

مٹی دے سارے باوے نیں

کروڑ تے ہزار

مٹی دے سارے باویاں دی

گلاں ساری اچیاں نیں

محبتاں ساری سچیاں نیں

پر کردے نیں نخرے ہزار

تے ہندے نیں خوار

مٹی دے سارے باوایاں دی

ساری دی ساری جندھڑی وی

جندھڑی دی ڈوری ٹنگے

سارے ساہ وی ادھار

فیر وی نخرے ہزار

مٹی دے سارے باویاں دے

نکے وڈے دکھڑے وی

تے دکھڑیاں پچھے

لکن مٹی کھیڈن اتھرو ہزار

فیر وی نخرے ہزار

مٹی دے سارے باویاں دے

چاہ نہیوں مکدے

ادھورے سارے سپنے

نا گنت نا شمار

فیر وی نخرے ہزار

مٹی دے سارے باویاں دی

جندھڑی جدوں مکدی اے

ڈولی چکی موڈھیاں تے

چل پیندے نے کہار

فیر وی نخرے ہزار

مٹی دے باوے جدوں

مٹیاں چ رلدے نیں

ھنیریاں نوں ملدے نیں

نہ کھوڑے نا سوار

فیر وی نخرے ہزار

ایتھے مٹی دے نے سارے

مٹی دے سارے باوے نیں

کروڑ تے ہزار