آؤ دیکھو کیسے

خوشبو رنگ اجڑتے ہیں

اور پھولوں کا جنازہ اٹھتا ہے

سارا عالم روتا ہے

اور ہر دل سینے میں دکھتا ہے

---

Read more: آؤ دیکھیں کیسے پھولوں کا جنازہ اٹھتا ہے

آؤ دیکھو کیسے

مایئں کفنوں کو سیتی ہیں

اور کلیجہ پھٹتا جاتا ہے

باپ قبروں پر روتے ہیں

اور سانس اکھڑتا جاتا ہے

---

آؤ دیکھو کیسے

جبر کی آگ بھڑکتی ہے

اور خدا کا عرش لرزتا ہے

موت مذہب پر ہنستی ہے

اور ظلم مسلسل ہوتا ہے

---

آؤ دیکھو کیسے

سورج کو گرہن لگتا ہے

اور رحمت اٹھتی جاتی ہے

بادل کالا آتا ہے

ہر گھر کی چھت اجڑتی ہے

---

آؤ دیکھو کیسے

ہاتھ دعا کو اٹھتے ہیں

پر امید کا دیا بجھتا ہے

نعرےاونچے لگتے ہیں

پر پھر بھی آنگن جلتا ہے

#Urdu #poetry #poem #Palestine #Israel #Gaza #protest #children #death #violence #war #God #peace