یہاں صرف اندھیرا ہے

چاروں سمت اندھیرا ہے

---

Read more: یہاں صرف اندھیرا ہے

یہاں صرف اندھیرا ہے

چاروں سمت اندھیرا ہے

باہر بھی اور اندر بھی

ظاہر بھی اور باطن بھی

جہالت کا اندھیرا ہے

حماقت کا بسیرا ہے

مذہب بھی، سیاست بھی

حکومت بھی، عبادت بھی

علم بھی، قانون بھی

فرعون بھی، قارون بھی

سب جہل کی تصویر ہیں

مگر ماہر تقریر ہیں

---

یہاں صرف اندھیرا ہے

چاروں سمت اندھیرا ہے

اندھیرا ہی دستور ہے

اندھیرا ہی شعور ہے

اندھیرے میں سب رہتے ہیں

راضی بازی رہتے ہیں

اندھیرا سب کے اندر ہے

اور اندھیرے سے ہی ڈرتے ہیں

اندھیرے میں رہ کر یہ

اندھیرے کے ڈر سے یہ 

اندھی باتیں کرتے ہیں اور

اندھے جھگڑے لڑتے ہیں

---

یہاں صرف اندھیرا ہے

چاروں سمت اندھیرا ہے

آگے بھی اور پیچھے بھی

اوپر بھی اور نیچے بھی

گھٹا ٹوپ اندھیرا ہے

سیاہ رات اندھیرا ہے

اندھیرا سب کا ماضی ہے

اور اندھیرا سب کی منزل ہے

ماضی سے منزل تک ساری

راہ پر بھی اندھیرا ہے

اندھیری راہ پر اندھے لوگ

اندھی قوم اور اندھے روگ

---

یہاں صرف اندھیرا ہے

چاروں سمت اندھیرا ہے

اندھیرے میں اندھے لوگ

اندھی راہ پر چلتے ہیں

ٹھوکر بھی یہ کھاتے ہیں

اور ٹھوکر کھا کر گرتے ہیں

روتے ہیں پھر اٹھتے ہیں

اندھیرے کو کوسنے دے کر

اندھیرے میں چلتے ہیں

روشنی کی ملامت کر کے

اندھیرے کو ہی چنتے ہیں

اندھیرے کو ہی سنتے ہیں

---

یہاں صرف اندھیرا ہے

چاروں سمت اندھیرا ہے

اندھیرے کی باتیں ہیں

نفرت کی برساتیں ہیں

خون بھی ان کا کالا ہے

اندھیرے جیسا کالا ہے

کالے خون کی اندھی بھینٹیں

دیتے ہیں اور لیتے ہیں

کالا خون بہاتے ہیں

اور نعرہ اوپر والے کا

زور سے لگاتے ہیں

کبھی نہیں شرماتے ہیں

---

یہاں صرف اندھیرا ہے

چاروں سمت اندھیرا ہے

اندھیرا ان کا والی ہے

اندھیرا ان کا وارث ہے

اندھیرے میں بسنے والے

اندھیروں پر پلنے والے

اندھیری پناہ میں آ کر

اندھیروں سے ڈرنے والے

اندھیرے کو رونے والے

اندھیرے پر ہنسنے والے

یہ اندھے لوگ اکیلے ہیں

دنیا میں بہت اکیلے ہیں

#Urdu #poetry #poem #darkness #black #Pakistan #nation #past #present #future #bleak #aimless #blind #blindness #senseless #faithless #inhuman #stupidity #fools