کسے آواز دیتے ہو؟

کسے سر پے چڑھاتے ہو؟

یہ نعرے کیوں لگاتے ہو؟

یہ جلسے کیوں سجاتے ہو؟

بلھے شاہ صدا لگاؤ
کے محبّت جل رہی ہے
بلھے شاہ، صدا لگاؤ
کے کدورت جاگ رہی ہے

تیرا خدا کوئی اور ہے، میرا خدا کوئی اور
تیرا خدا جہنّم ہے، گناہوں کو جلاتا ہے
میرا خدا رحمان ہے، گناہ بھول جاتا ہے
تیرا خدا بہشت ہے، اعمال ناپے جاتا ہے
میرا خدا سرشت ہے، بہکوں تو مسکاتا ہے

تم زندہ ہو؟

حیرت ہے کے اب بھی زندہ ہو

خون بہا کر زندہ ہو؟

بچوں  کو مار کر زندہ ہو؟

ماؤں کولوٹ کر زندہ ہو؟

آؤ خون سے خطاطی کریں

الرحمان و الرحیم کی

آؤ موت سے فیصلہ کریں

حق و باطل کی تفریق کا

دکھ تو یہ ہے جاناں

ترک تعلق تو ہوا

ترک وفا نہ ہوا

یہ تو بتاؤ جاناں

کیا دل میں اب بھی رباب بجتے ہیں؟

افق پر اب بھی شہاب جلتے ہیں؟

جب کبھی میرا نام لیتے ہو؟

مت لے جاؤ میرے لعل کو

خدارا میرے پاس رہنے دو

 مت دفناؤ میرے لعل کو

خدارا میرے پاس رہنے دو

قتل معصوموں کا ہوتا ہے

یہ روایت کوئی اتنی پرانی تونہیں

حکومت ظلم کی ہوتی ہے 

یہ کہانی کوئی اتنی پرانی تونہیں